車位監控點做？停車場冇 Wi-Fi 一樣影得到

私家車位最激氣係架車俾人碰花、刮花，但冇人認、亦冇片。停車場多數冇 Wi-Fi 覆蓋，4G 監控鏡頭係少數唔使靠現場寬頻都影到嘅做法 —— 但唔係每個車位都擺得，呢篇連唔啱嘅情況一齊講。

停車場冇 Wi-Fi，點解 4G 鏡頭用得上

部機插 4G SIM 自己上網，我哋出租時已經預裝香港本地數據卡，唔使問管理處攞 Wi-Fi、亦唔使拉線。攞機後用 EZVIZ App 掃機身 QR code 加入你自己個 EZVIZ 帳戶就睇到畫面，多過一部都可以加入同一個帳戶一齊睇。

張卡同我哋 4G Router 用同一種：2TB 數據，首 500GB 全速最高 150Mbps，500GB 至 2TB 降速最高 42Mbps，用滿 2TB 暫停至下期。一般偵測錄影用量好細，唔會咁快掂到頂。

部機支援智能偵測警報，偵測範圍可以自訂 —— 用喺車位嘅重點就係將範圍收窄到自己個位同架車附近，唔好將成條行車通道放晒入去，否則有車經過都彈警報，兩日之後你就會關咗個通知。

畫質 3MP 2K（2304 × 1296），4mm F1.6 鏡頭，對角 106°、水平 90°；地庫燈光暗或者夜晚，有紅外夜視最遠 8 米同日夜自動切換。另外有雙向對講，見到有人埋身可以出聲。

第一，呢部唔係防水機，係室內／有遮擋位置設計。簷篷底、車位牆身、有蓋停車場冇問題；完全露天、日曬雨淋嘅位就唔好擺。運作溫度 −10°C 至 45°C，長時間曝曬嘅位置好易超標。

第二，磁吸底座只黐得實鐵質表面 —— 鐵通、鐵閘、冷氣機外殼、金屬貨架、金屬支架呢啲。石屎柱、油漆牆、玻璃黐唔住，要用配件螺絲位固定或者搵個平面擺放。

好多車位根本冇插蘇。內置 2000mAh 電池只係夠純偵測警報模式撐一陣，你想長期影住、或者個位好多人行過成日觸發，就一定要諗定電源（5V/2A 供電，火牛自備）。呢樣要落單前諗清楚，唔係擺完先發現冇電拉。

地庫、夾層、金屬結構入面 4G 訊號會弱好多。最實際嘅做法：落單之前，攞部手機去你打算擺鏡頭嗰個位企一陣，睇吓有幾多格 4G。手機自己都收得差，鏡頭一樣唔會穩。

價錢係固定價，唔跟存量浮動。最短 7 日 $98；30 日 $178，60 日、90 日同樣每 30 日 $178；再長就開始平：120 日 $160／30日、180 日 $148／30日、360 日 $138／30日。按金 $600，原機連配件歸還、檢查冇損壞就全數退還。

車位監控多數係長期需求，所以直接睇長租嗰幾級會抵好多。承諾期完會自動每 30 日續期，唔想租落去 WhatsApp 通知我哋就得。

唔同車位類型用 4G 監控鏡頭嘅實際情況
車位類型	用唔用得	要留意咩
屋苑地庫	要先試訊號	地庫 4G 會弱好多，落單前用手機去實際擺機位置睇幾多格；有遮擋唔成問題，電源要諗定
地面有蓋車位	最啱	有瓦遮頭、溫度唔會失控；磁吸要搵到鐵通、鐵閘或者金屬支架
露天車場	只有有遮擋位先得	唔係防水機，完全日曬雨淋唔好擺；夏天曝曬位置會超過 45°C 運作上限
村屋門口 / 私家地	多數得	有簷篷就啱；供電同 4G 訊號兩樣要現場睇過

三個條件（遮擋、電源、4G 訊號）任何一個唔過關，都建議先 WhatsApp 傾吓擺位再落單。

想睇齊型號規格、租期價目同即時可租數量，去 4G 監控鏡頭租借（EZVIZ CB2 4G）嗰版。

要試過先知，唔好齋估。地庫、夾層、金屬結構入面 4G 訊號會弱好多。最簡單嘅做法係落單前攞部手機去你打算擺鏡頭嗰個位，睇吓有幾多格 4G；手機都收得差就唔好擺，或者揀近出入口、近通風槽啲嘅位再試。

唔建議。呢部係室內／有遮擋位置設計，唔係防水機。露天車場如果有簷篷或者其他遮擋，可以再考慮；完全無遮擋、日曬雨淋嘅位置唔適合，夏天亦好易超過 45°C 嘅運作上限。

內置 2000mAh 電池淨係夠純偵測警報模式撐一陣，唔係一個長期方案。想長期影住就要諗電源（5V/2A 供電，火牛自備）—— 例如近牆有插蘇、或者本身有充電裝置嘅車位。

microSD 卡要自備，最大支援 512GB。EZVIZ CloudPlay 雲端錄影要你自己喺 App 訂閱，唔包喺租借入面。還機時片喺你自己張卡，你自己收返，我哋唔會掂你啲錄影。

可以，一單租 1 至 10 部，全部加入同一個 EZVIZ 帳戶。不過門市現貨得 1 部，揀多過現貨嘅部數，取機日最少要 8 日之後。