租機前要問清楚嘅 7 條條款：按金幾時退？爆咗機賠幾多？
大家格租機價錢嗰陣，多數只睇「幾錢一日」。但真正令你蝕錢或者唔開心嘅， 通常唔係日租價，而係條款 —— 按金幾時先退返、跌爛咗要賠幾多、 改期取消點計。呢啲喺租之前係問得到嘅，只係好少人問。
以下七條係我哋認為最應該問清楚嘅。每一條我哋都直接寫低自己嘅答案 —— 你可以攞住呢張清單去問任何一間（包括我哋），逐條比對。 我哋唔會喺度講其他公司嘅條款細節，因為條款會改，最準確嘅永遠係佢哋自己個網頁同你落單前收到嗰份合約。
我哋嘅條款全部公開喺網站
按金完好歸還全額退・賠償金額逐項列明・落單前睇得晒
1. 按金幾時退返？
呢條係最多人中伏嘅一條。有啲地方寫「還機即退」，有啲要等一段時間。問法：唔好問「會唔會退」，要問「由我還機嗰日計起，幾多日內會發出退款？」同埋「係退返原本張卡定係現金／轉數快？」
我哋嘅答案
還機 → 驗機 → 職員確認 → 系統喺 14 日後執行退款。合約寫明「還機後 7 至 28 日內發出退款」，發卡行入帳另需約 5-10 個工作日。 退返原本付款嘅信用卡。
2. 整爛咗，賠幾多？有冇封頂？
問法：「如果部機跌爛咗／入水，係扣幾多？有冇一張列住各項金額嘅表？ 賠償會唔會超過按金？」冇得畀你事前睇金額嘅，就係最危險嗰種。
我哋嘅答案
可維修嘅按實際維修報價，上限為該型號按金；遺失或報廢按該型號按金全數計， 超出部分另行追討。全部項目喺折舊賠償表公開，落單前睇得到。
3. 有冇損壞保障可以加購？
行內有啲公司有付費保障計劃，出事嗰陣你只需自付某個百分比。問法：「有冇得加錢買保障？保唔保遺失同盜竊？自付幾多？」—— ⚠️ 好多呢類計劃唔保遺失同盜竊，呢個要問清楚。
我哋嘅答案
我哋暫時冇付費損壞保障計劃 —— 一律行「實際損壞、按表賠償、上限按金」。 呢個對細損壞嘅客戶較有利（唔使先畀一筆保費），但如果你想要一個封頂數字， 呢個係我哋而家未提供嘅嘢，講清楚好過扮有。
4. 未取機想取消，退幾多？
演唱會改期、行程有變都好常見。問法：「未取機取消，租金同按金各退幾多？ 如果係主辦方取消活動呢？」
我哋嘅答案
取機前取消：收 50% 租金作取消費，餘下 50% 租金同 100% 按金退還。 取機後租金不退。呢個政策喺落單頁同條款都寫明。
5. 逾期未還，點計？
問法：「遲一日還，係按日計定係跳一整期？費率係幾多？」 按期跳嘅話，遲半日都可能當一整期。
我哋嘅答案
按產品頁公示嘅費率自動續扣直至還機，費率喺落單前就寫喺頁面。 手機類逐日計、相機類每 7 日一期 —— 各產品頁列明。
6. 包唔包上網？
租手機影演唱會、去旅行，你即場想出 story 就要有數據。問法：「部機有冇 SIM？定要我自己插？」
我哋嘅答案
旗艦手機租借連 2TB 香港本地 4G 上網卡 —— 就我哋所知，全港租機同業之中只有我哋送 SIM。 ⚠️ 呢張係香港本地卡，出咗香港冇數據，外遊請換上自己嘅當地卡或旅行 SIM。
7. 器材帶唔帶得入場？
呢條係演唱會租機獨有、但幾乎冇人事前問嘅一條。 部分場館對「專業攝影器材」有限制，而手機外置增距鏡算唔算，各場館寫法唔同。問法：直接去場館官網睇入場須知，再核對主辦單位當日公佈。
我哋嘅答案
我哋唔會代任何場館作承諾 —— 規定以場館同主辦單位公佈為準。 我哋另有一篇整理咗各大場館官方條文嘅場館器材規定， 直接引官方原文，唔加自己解讀。
常見問題
anlander 嘅按金幾時退？
流程係：還機 → 驗機（損壞評估）→ 職員確認退款 → 系統喺 14 日後執行退款。我哋合約寫明「還機後 7 至 28 日內發出退款」，發卡行入帳另需約 5 至 10 個工作日。呢個時間表適用於所有訂單。
點解要等 14 日，唔可以即刻退？
因為要留時間做完整檢查。以前我哋試過即日退，但深層問題（例如機身入水、鏡頭內灰）唔係一眼睇得出。而家嘅做法係：驗機做完先確認金額，再排程退款 —— 對雙方都公道，亦令我哋唔使為咗趕時間而囫圇吞棗咁驗。
整爛咗要賠幾多？
按實際損壞計，唔會一律沒收全數按金。可維修嘅按維修報價（上限為該型號按金）；遺失或報廢就按該型號按金全數計，超出按金部分會另行追討。逐項金額喺我哋嘅折舊賠償表公開列出。
未取機想取消，有冇得退？
取機前取消：收 50% 租金作取消費，餘下 50% 租金同 100% 按金退還。取機後租金不退。呢個政策喺落單頁同條款都寫明，落單前見得到。
逾期未還機點計？
按產品頁公示嘅費率自動續扣，直至還機。手機同相機類係固定租期產品，到期未還就按公示日費率或期費率續扣 —— 唔會出現「一日之差罰到甩褲」嘅情況，但都建議揀鬆少少嘅租期。
包唔包上網 SIM 卡？
包。我哋租出嘅旗艦手機連 2TB 香港本地 4G 上網卡 —— 就我哋所知，全港租機同業之中只有我哋送 SIM。出國嘅話要抽走換上自己嘅當地卡（呢張係香港本地卡，出咗香港冇數據）。
租嘅器材帶唔帶得入演唱會場館？
視乎場館同主辦單位規定，唔同場館寫法唔一樣，而且以主辦單位當日公佈為準。手機幾乎冇問題；手機外置增距鏡、可換鏡相機就要逐個場館睇清楚。我哋另有一篇專門講場館器材規定。